Pagkatapos ng isang linggong pagtatrabaho, dumating na naman ang araw ng bakasyon. Sabado nang umaga at tanghali na nagising si Ian. Dahil nga wala namang pasok hinayaan na lang nito ang sarili na magtagal sa higaan. Bandang alas-10 na ito bumangon at kumain nang almusal. Pupungas-pungas pa ito nang lumabas ng kanilang boarding house upang bumili nang almusal sa paborito niyang karinderia. As usual tapsilog ang binili nya dahil isa ito sa mga paborito niyang kainin sa umaga. Pagkatapos magtake-out nang tapsilog ay bumalik na sya uli ng bahay at duon nag-agahan. Habang kumakain sya ay biglang tumunog ang kanyang celphone. Sa pag-angat nito ay nabasa nya sa screen ang pangalang Loriz. Dali dali nyang binuksan ang text upang malaman ang laman nito na isa palang forwarded morning greetings. Si Loriz ay officemate ni Ian na crush na crush nya, subalit hindi nya magawang pormahan dahil may boyfriend na ito.
Pagkatapos nya kumain at mailigpit ang pinagkainan ay bumalik na ulit sya sa kanyang kwarto. Nahiga ulit ito at sinalpak sa tenga ang earphone ng kayang iPod.
————————————————————-
Samantala si Puroy naman ay abala sa paglalaba, Sabado kasi ang araw ng kanyang paglalaba. Nangangalahati na ang kanyang nilalabhan nang biglang tumunog ang kanyang celphone, at nang basahin ay si Chris pala, nag-aaya na maglaro daw dun sa computer shop na malapit sa kanila. Tuwing sabado din kasi, kapag natapos na ang mga gawaing bahay ni Puroy ay pinapayagan sya nang kanyang amo na lumabas. At ang isa sa mga pinagkakaabalahan nya ay ang online gaming. Dahil nga may malapit naman na computer shop sa kanila ay madali lang itong nakakapunta duon at nakakabalik ng bahay kung kinakailangan.
Dahil sa nabasang text ay pinagpatuloy na nito ang paglalaba upang makatapos agad at nang makapaglaro na sya.
————————————————————-
Sa Dubai nman, normal na araw lang din ang sabado para kay Eman, dahil walang pasok, kundi pasyal sa mall, or bisita sa mga kakilalang pinoy duon, ay nagstay lang din sya sa bahay para maginternet at makipagkumustahan sa kanyang pamilya dito sa Pilipinas. Sa tulong ng Skype, pakiramdam nya ay malapit lang sya sa kanyang mga magulang , kapatid at lalo na sa mahal nyang si Angela. At kasama na rin sa kanyang pinagkakaabalahan ay ang paglalaro ng Evony, isang online game.
————————————————————-
Bandang alas-4 ng hapon dahil wala naman syang magawa sa boarding house ay naligo at nagbihis si Ian upang pumunta sa computer shop na malapit sa kanila. Isa rin kasi sa hilig nya ang paglalaro ng computer games kaya agad itong tumungo duon upang balikan ang kanyang naumpisahang laro.
Samantala, si Puroy ay nakatapos na rin magligpit sa bahay at tumulak na papunta sa kapitbahay nilang computer shop upang maglaro.
————————————————————-
Pagpasok ni Ian sa pinto ay nakita nyang maraming mga naglalaro at tila walang bakante kaya tinanong nya ang taga bantay kung may pwesto pa.
“Brad, pa rent ng isang computer may available pa ba?”
“Sige sir sa number 8 nalang matatapos na yung nakaupo dun”
Mga 2 minuto siguro naghintay si Ian, at nang makitang tumayo na ang nasa #8 ay agad na sya pumunta at umupo. Syempre una muna nyang binuksan ang FB at yahoo upang magcheck nang mga messages at notifications at matapos magcheck ay naglog-in na sya sa Evony.com
————————————————————-
“Uy pareng Chris kanina ka pa ba dito?”
“Mga kalahating oras palang dre, bat natagalan ka”
“Dami kasing labahin sa bahay eh, alam mo naman isa lang akong houseboy, tsaka may inutos pa si ate bago ako nakaalis, ano may pwesto pa ba”
“Oo dre, meron pa yan, sabihin mo na dun sa bantay”
Matapos makakuha nang pwesto ay agad na naglog-in si Puroy sa Evony upang maglaro. Pagbukas nya ay nakita nya na sinalakay yung city nya at konting resources at mga tauhan nalang ang natira. Dahil sa nangyari naisipan nyan maghanap ng ibang alliance na masasamahan upang may mga kakampi sya sa pakikigyera sa ibang mga manlalaro. Yung kasalukuyang alliance kasi nya, kalimitan ay puro foreigner kaya hindi sya masyado nakkikipagusap.
————————————————————-
Si Ian naman palibhasa’y panibagong umpisa muli sa paglalaro dahil medyo matagal din syang nagpahinga sa Evony ay wala pang alliance na kinaaaniban. Kumbaga back to zero sya kaya nagpaparami muna sya nang structures at mga tauhan.
Habang naglalaro si Ian ay biglang may nabasa sya sa chat section na ganito
“racer19 : Anak ng teteng, nilusob ang city ko, ubos. Makapagpalit nga nang alliance”. (racer19 ang codename ni Puroy sa Evony)
Pagkatapos nun, may isang player naman ang nagreply kay racer19
“astroboy12 : uy pare kelan ka nalusob? dun ka nalang sa alliance namen, puro pinoy kame dun. KKK ung alliance namen, send ka nalang ng request, sabihin ko narin sa leader na accept ka” (si astroboy12 naman ay si Eman)
Pagkatapos nang ilang palitan ng chat, nakisali na rin sa usapan si Ian, at gamit ang kanyang codename na otso8 kinausap nya ang 2.
“otso8 : Mga parekoy, kakaumpisa ko lang ulit dito eh,tagal kong nagbakasyon,pede rin ba ko sumali sa alliance nyo”
“astroboy12 : sige sige tol, request ka na lang mas marami tayo mas ok, para tayo maging top alliance”
“racer19 : oo nga pare, sali ka na rin sa kanila, para sama-sama tayo dun. ako parang back to zero nga din eh, nalusob kasi ako kagabi”
“otso8 : ayus pre salamat, san ka ba kayo dito sa pinas, Laguna ako eh, pero dito ko Sampaloc nagboboard”
“astroboy12 : ah dubai ako now pards, dito ko nagtatrabaho pero taga Batangas talaga kame”
“racer19 : ako naman Quezon city tsong, houseboy, pero taga Pangasinan talaga ko”
“otso8 : ah OFW ka pala astroboy12, astig ah, sige pards hintayin ko nalang ma-accept sa alliance nyo. salamat ulit. salamat din pareng racer19″
Pagkatapos ng usapan ay nagpatuloy sa paglalaro ang 3. Pagkatapos nang isang oras ay tumayo na si Puroy at nagbayad at pagdaka’y umuwi na sa bahay na kanyang pinamamasukan. Si Ian naman ay inabot nang 2 oras sa paglalaro dahil nga naguumpisa muli siya. Samantalang si Eman naman dahil may sariling internet ito sa bahay ay tuloy tuloy lang ang laro.
…Itutuloy…
