Huwebes

Nagsimula kay LUNES
Sumunod si MARTES
Dumaan si MIYERKULES
Ngayon ay HUWEBES
Ang bilis ng araw
Tila nakikipaghabulan
Animo’y kahapon lamang
Nang naganap ang putukan
Ngayo’y nangangalahati na ulit
Ang bagong buwan
Malapit na tuloy sumapit
Ang aking kaarawan
Anong bago kaya
Ang hatid nitong taon
Ayoko munang isipin
Dahil nakakaburyong
Hahayaan na lamang
Na sumabay sa alon
Kung saan mapadpad
Saka na lamang tutugon
Sasabay sa awit
At sasayaw sa tugtog
Subalit kakayod pa rin
Para pangrap ay maabot
At sa katuparan nito’y
Isang pagdiriwang
Kasama ang pamilya
At mga kaibigan
Lahat ng kabahagi
Ay pasasalamatan
Gagawa ng listahan
Upang walang makalimutan
Humahaba na yata
Ang Huwebes na ito
Kelangan ko nang tapusin
Ang tulang ito
At bumalik sa aking
Naghihintay na trabaho
Dahil bukas ay BIYERNES
At kasunod ay SABADO
Ibig sabihin lamang
Natapos na naman
Ang isang LINGGO

Antok

Antok antok antok, ako’y iyong layuan
Medyo matagal pa ang aming uwian
Bakit ang aga mo kasing dumalaw
Wala ka bang magawa’t ako ay binubulahaw

Iba na lang kasi ang kulitin mo
Pakiusap naman wag na ako
Kelangan kong tapusin ang aking trabaho
Kundi malalagot ako sa aking amo

Ano aalis ka na ba o mananatili pa
Baka gusto mong mapatawan nang matinding parusa
Lagot ka sa pag-idlip ko tiyak mawawala ka
Makakabawi ng enerhiya tapos kang antok ka

Huling Pisi

Isang pagtitipong puno ng kasiyahan ramdam ang tuwa ng mga batang nagiindakan. Kislap sa mata ay banaag sa nagdiriwang. Isang pagkakataon ng masayang pagtitipon nang mga kaibigan at katropang sapol. Sa muling pagkikita hatid ay ligaya masayang okasyon ng muling pagsasama.

Subalit di inakala na siya rin ang araw na ang nananahik na damdamin ay biglang mapupukaw. Animo’y bulkang natutulog na biglang nagising at pagdaka’y napuno ng bagang dahilan ng pagsabog na maigting.

Dagundong ng kulog na ako lang ang nakakarinig. Maingay ng langsanga’y nagmistulang tahimik. Biglang naalala ang linya ng kanta, na ang salitang may apat na letra ay lintik kung tumama nga pala.

Sa pagtahak sa daan patungo sa tahanan, animo’y alimpuyo ng malamig na hangin ang sa akin ay humampas. Binalot ng lamig ang buong katawan sabay daloy nang tubig mula sa durungawan ng kaluluwa.

Di mapigilan ang pagpatak ng ulan, sinasabayan pa nang makabagbag damdaming musika. Minamasdan ang mga taong nagbababa’t sakay, sabay tanaw sa kawalang kay dilim ng kulay. Kaisipan ay naglalakbay pabalik sa nakaraan, walang paliwanag sa nangyayari sa kasalukuyan. Sa pag-iisang naranasan sambit ng panalangin na lamang ang kinapitan.

Sa pagpasok sa silid ibinagsak ang katawan, pagod na isipan gusto nang katahimikan. Taimtim na dalangin muling inusal laman ay panaghoy sa hilahil na dinanas. Sa gabing iyon ay napagtanto kailangan nang palayain ang puso. Kailangan nang bumitaw sa pinanghahawakan dahil NAPIGTAL na ang PISING KINAKAPITAN.

Biglang Gising

Nagulantang sa isang maingay na umaga
Inuulinigan kung saan nagmumula
Boses ng babae at lalaking nagsisigawan
Kasabay ng kalabog sa buong kabahayan

Singhal ng lalaki’y galit na akusa
Sa diumano’y kasalanan ng kanyang asawa
Panaghoy at pagtangis ang tugon ng Eba
Nagsusumamong pakinggan ang kanyang apela

Di alintana ang palahaw ng anak
Na di malaman kung may muwang sa nagaganap
Nakapinid na pintuan at bintanang walang siwang
Ngunit sa lakas ng sigawan animoy kita ang laman

Pangamba at takot ang sa aki’y bumalot
Sa maaaring mangyari sa kanilang sigalot
Aawat ba ako o tatawag ng tulong
Ngunit nag-aalinlangang mapagbalingan ng sumpong

Matamang nakinig at nagobserba
Sabay bukas sa telebisyon upang mag-iba ang timpla
Biglang natahimik at nawala ang ingay
Natapos na pala ang kanilang away

Paradox

You put me high into the clouds
You let me fall into a solid ground
You paddled me across the sea
You left me there in solitary

You revived my soul and gave me breathe
You stab me with a dagger and let me bleed
You gave the beat into my drums
You strum the strings and cut it down

You warmed my skin with the light of sun
You burned it then after it’s gone
You quenched my thirst on a summertime
You drowned me then on a stormy nights

You are the song that made me sing
You are the sickness that made me ill
You are the light that guides my way
You are the wind that blew it away

The Knock

Staring on the Wall
Reminiscing our past
Can’t help but smile of the good things
That we had

Whispered by a music
Makes my heart jump and  dance
Pushing a precious water
To roll down my eyes

Hearing the roaring silence
Covering the entire room
A freezing fire inside a ball
A burning ice around the floor

Door has been closed
But was left unlocked
Hoping and waiting
For a sound of knock

Fruits of Sentiments (Poem Collection Vol.3)

Another collection of Poem Migrated from my Friendster profile blog page.

Salamangkera

Sa’king tahimik na mundo
Nasanay mabuhay nang mag-isa
Bawat araw kinakaya nang walang inaasahang kasama
Sa iyong pagdating mundo ko’y nagising
Nagkaroon ng ingay at nagliwanag ang kulay
Ngayong natagpuan ka ligaya’y umaapaw
Tibok nang puso’y laging mabilis
Ngiti sa labi hindi maalis
Dahil ikaw ang kape ko
Na sa’kiy nagpapainit
Salamangkerang bumihag sa puso kong nananahimik.

———————————————————————-
Magkapiling Pa Rin

Nangagarap na muling makapiling ka
Nananabik na muling mayakap ka
Umaasang muling magkikita, at muling mahagkan ka
Ngunit ano mang mangyari
Di man tayo magkatabi
Sa’king puso ikaw mananatili
Laging tandaan ako’y nandito lamang
Sa puso ko lagi kang iingatan.

———————————————————————-
Adhika

Sa bawat araw na dumadaan
Pangarap ko’y ikaw
Marinig lamang ang boses mo
Oh anong ligaya ko
Ngiti sa labi ang iyong hatid
Nagpapatibok ng pusong umiibig
Di man tayo nagkikita lagi kang inaalala
Pinapangarap na muling ikaw ay makasama
Muling pagsasaluhan masayang tawanan
Magdadamayan kung may iyakan
Mahal kita at mahal mo ako
Sabayan natin ang ikot ng mundo

———————————————————————-
Malungkot na Puso

Tinamaan na naman ng biglang kalungkutan
Animo’y dinudurog ang pusong luhaan
Di maipaliwanag itong nararamdaman
Siguro’y nananabik lamang na ikay masilayan
Ngunit handang magtiis at handang maghintay
Lahat ay kakayanin pagkat ikay mahal
Hanggat sinisigaw ng puso koy ikaw
Patuloy na mamahalin kung iyong nanaisin
Kung dumating ang araw na hindi mo na kaya
At pagmamahal sa’kiy naglaho na
Iiyak na lang at tahimik na magluluksa
Tatanggapin ng maluwag nitong damdaming nagdurusa
Pagkat mahal kita, kaligayahan mo ang nais
Babaunin ko na lamang mga halik na kay tamis
Mga yakap na kay higpit at ngiting walang kaparis
Na minsang pinagsaluhan bunga ng ating pag-ibig

———————————————————————-
Tinig

Kalungkuta’y nanumbalik sa pusong nananabik
Nangangamba’t di mawari ang puso’y humihikbi
May luha nang pananabik at pangungulila
Nananalanging sana’y muli kang makita
Sanay mapawi itong kalungkutan
Sa mga tinig na malambing na nais mapakinggan
Animoy musika sa puso, nagbibigay kasiyahan
Tinig na aking mahal at patuloy na minamahal

Fruits of Sentiments (Poem Collection Vol.2 )

Another collection of Poems migrated from FS Blog page. Enjoy!!!

Hinagpis

Gusto kong umiyak
Ngunit wala nang luha
Pusong nasasaktan manhid na
At walang pakiramdam
Bakit ba ako nahulog
Sa matamis mong mga ngiti
Kung sakit nang damdamin lang nman ang sukli

—————————————————————–

Im With You

Hear me through my music
Feel me through the wind
When the sun is shining
That’s the time I’m smiling
When the day is raining
That’s the time I’m crying
I’m with every weather of the day
I’m with you everyday

—————————————————————–
Liwanag

Gabing puno ng usok
Nag-iisa sa sulok
Naglalakbay ang diwa habang tumatangis
Mga talang nakasilip sa bintana
Tila nag-aanyayang
Ngumiti ka naman at pahirin ang luha
Di natatapos ang mga bagay sa isang paalam
Buhay ay punong-puno ng pag-asa
Manalig ka lamang

—————————————————————–
You

Fiery angel who came without notice
The fruit that snow white ate
You are to my eye
Star that glitters
Lighting my every nights
A sweetest cake in my every dreams
A dagger in my heart
You made me bleeding